Një 30-vjeçar nga Berati është vetëkarantinuar sot pasi ka mbërritur në Spitalin Rajonal. Ai ka deklaruar se ka ardhur nga Greqia dhe pasi i është marrë tamponi për analiza, është izoluar në shtëpi.
Një 30-vjeçar nga qytetit i Beratit,ështē paraqitur mesditën e sotme në ambjentet e Spitalit Rajonal Berat, ku ka deklaruar se sapo ishte kthyer nga Greqia. Ai është izoluar në një dhomë të spitalit, deri sa i është bërë tamponi që është dërguar për analizim dhe është dërguar në shtëpi për tu vetëkarantizuar deri në daljen e përgjigjes së analizave.
Lajmi bëhet i ditur nga Shefi i Shërbimit Epidemiologjik për qarkun Berat, Artan Mitre, i cili ka konfirmuar se 30-vjeçari ishte në gjendje të mirë dhe pa shenja klinike, por duke qënë se ka disa ditë që ka ardhur nga një shtet fqinj i prekur, është vetëparaqitur në spital.
Spitali Rajonal i Beratit u bën thirrje të gjithë qytetarëve që kanë pasur së fundmi udhëtime në vendet e prekura nga COVID-19, të paraqiten pranë spitalit për të kryer analizat. Po kështu,spitali i Beratit u bën thirrje qytetarëve beratas që të mos dynden në spital për rastet e virozave të thjeshta por të paraqiten pranë mjekut të familjes,në mënyrë që në spital të paraqiten rastet e rënduara. /e.s/
