KORÇË– Dy punonjës të një kompanie pranë gazsjellësit TAP janë proceduar në gjendje të lirë nën akuzën e shpërdorimit të detyrës.
Bëhet fjalë për F.S, 25 vjeç dhe M.Z, 29 vjeç, banues në Berat me detyrë punonjës të një kompanie, e cila kryen punime pranë gazsjellësit TAP. Mësohet se dy punonjësit, janë kapur në flagrancë në lagjen nr 17 në Korçë, duke i shitur shtetasit A.B, 200 litra naftë, sasi të cilën këta të rinj e kanë vjedhur duke shpërdoruar detyrën, nga një mjet i kompanisë në të cilën ishin të punësuar.
Ndaj A.B ka filluar procedimi penal në gjendje të lirë.
