Kryeministri Edi Rama njoftoi sot se do lehtësohen masat e lëvizjes së qytetarëve, pas më shumë se tre jave shtetrrethimi. Orari i lëvizjes tha kreu i qeverisë nga 60 minuta që ishte tani, 12:00-13:00, do të zgjatet me 30 minuta, duke e çuar në 90 minuta. Gjithashtu, Rama tha se do lejohet qarkullimi i automjeteve private për të punësuarit, por paralajmëroi se do të ketë sanksione të forta nëse respektohen rregullat.
“Atëherë masat lehtësuese që ne duam të marrim kanë të bëjnë me aktivitetet e lejuara. Por marrja në makinë e personave të tjerë, familjarë do të ndëshkohet me disa vite, dhe do të caktohet, të heqjes së lejes së drejtimit, të sekuestrimit të makinës dhe të heqjes së lirisë. Marrja në makinë e një pensionisti do të ndëshkohet me heqje lirie, dhe me sekuestrim e heqje të lejes së drejtimit.
Do të hapim orarin për të bërë pazaret, do të shtojmë edhe 30 minuta, duke e çuar në 90 minuta. Kryerja me automjet privat e pazarit do të jetë e mundur, por me sanksione të forta, heqje lirie, heqje patente dhe sekuestrim makine. Kemi parë fenomenin e shëmtuar të hapjes së lokaleve nëpër lagje për trimat e lagjes. Kemi vënë gjoba prapë vazhdon historia. Janë shumë pak, por janë mjaftueshëm për të na bërë një dëm shumë të madh. Hapja e aktivitetit të ndaluar do të dënohet me heqje lirie.”, u shpreh Rama.
