Puna për ndërtimin e maternitetit të ri të Lezhës po vijon me intensitet, brenda korpusit të këtij spitali rajonal.
Ministrja e Shëndetësisë dhe Mbrojtjes Sociale, Ogerta Manastirliu thotë se “prej gati 3 dekadash ishte kërkesë e vazhdueshme e banorëve të Lezhës. Po bëjmë realitet premtimin për ndërtimin e maternitetit të ri në spitalin rajonal të Lezhës”.
Materniteti i ri po ndërtohet brenda korpusit të spitalit rajonal të Lezhës, një investim i qeverisë shqiptare në shumën prej 3.2 milionë dollarë.
Materniteti i ri i Lezhës do të ketë mbi 3000 m2 sipërfaqe ndërtimi, godina do të jetë 5 kate, 4 kate mbitokë dhe 1 kat nëntokë. Do të ketë 3 salla lindje, dy salla operacioni dhe pajisje mjekësore të teknologjisë së lartë. z.tosku/
