Kryebashkiaku i Tiranës Erion Veliaj së bashku me bashkëshorten e tij Ajola Xoxën para 6 muajsh janë bërë prindër për herë të parë të një vogëlushi të quajtur Kajan.
Mbrëmjen e sotme Erioni ishte i ftuar në emisionin “Mos i fol shoferit”, prej ku rrëfeu se pas lindjes së djalit është bërë shumë më i ndjeshëm dhe më i kujdesshëm për detajet. Dashuria që ka për të është e madhe, madje në një postim në llogarinë e tij në Instagram, siç mund ta shikoni më poshtë, e ka quajtur Kajanin shokun e tij të ngushtë.
Ndërkohë, gjatë intervistës ai foli edhe për bashkëshorten e tij, Ajolën.
Moderatorja e emisionit, Rudina Dembacaj i shtroi pyetjen: “Cila është gjëja më e çmendur që ke bërë për Ajolën?”
Përgjigja e Veliajt për hir të së vërtetës ishte mjaft interesante: “Kam anuluar një aktivitet, një konferencë shumë të komplikuar për të qenë prezent në ditëlindjen e saj, sepse e kisha vënë re që ishte mërzitur dhe më donte aty.”
Hëm, sa romantike!
