Një person është shoqëruar si i dyshuar për vrasjen e Hekuran Billës, një javë më parë në zonën e Komunës së Parisit.
Mësohet se i dyshuari është identifikuar nga kamerat e sigurisë dhe ka lidhje familjare me Prel Markun, 22 vjeçarin që u vra nga Billa në Angli në vitin 2006, dhe që dyshohet se është bërë shkak dhe për atentatin e ndodhur në Tiranë.
Policia dyshon se personi i identifikuar ka ndjekur viktimën dhe ka lajmëruar atentatorët për vendndodhjen e Billës, i cili do të takonte motrën e tij pranë një qendre tregtare në Tiranë.
Ndërkohë më herët policia është vënë në kërkim të vëllait të Prel Markut, Víktor Marku, i cili dyshohet se ka qenë ai që ka qëlluar Billën me breshëri plumbash.
