Persona ende të paidentifikuar kanë qëlluar me armë zjarri avokatin Ravik Gurra. Dyshohet se autorët janë larguar menjëherë nga vendngjarja me motor në drejtim të kalasë së Elbasanit.
Kujtojmë se Gurra ka qenë avokat në disa prej gjyqeve më të bujshme në vend. Ai ka qenë avokat mbrojtës i Emiljano Shullazit, avokat mbrojtës në gjyqin ndaj “Hakmarrjes për Drejtësi” si dhe avokat mbrojtësi i tre prej të akuzuarve në gjyqin ndaj ish krerëve të ARRSH për korrupsion në rrugën Elbasan-Tiranë.
Njoftimi i policisë:
Elbasan
Informacion paraprak
Rreth orës 19:35, në një lokal në Elbasan, nga persona ende të paidentifikuar është vrarë me armë zjarri shtetasi R.G., 50 vjeç, banues në Elbasan.
Shērbimet e Policisë kanē ngritur pika kontrolli në të gjitha rrugët në hyrje e dalje si dhe po krehin zonēn ku dyshohet se janë larguar autorët.
Grupi hetimor ndodhet në vendngjarje dhe po grumbullon e fikson çdo provë që do shërbejë për zbardhjen e ngjarjes.
Një grup ekspertësh nga Departamenti i Policisë Kriminale në Policisë e Shtetit është nisur menjëherë në ndihmë të grupit hetimor për të bërë të mundur zbardhjen e shpejtë të ngjarjes.
LEXO EDHE
