“2019-ta ishte viti i sprovave të mëdha, një tjetër i shkëlqyer na pret”, shprehet Kryeministri Edi Rama nëpërmjet një video mesazhi të eventeve kulturore gjatë vitit që shkoi.
Në një përmbledhje në retrospektive, Kryeministri Rama shprehet se “sfiduam veten, përmbyllëm projekte të mëdha, hapëm të tjera kantiere; promovuam trashëgiminë; çuam aktivitete në gjithë Shqipërinë; ndamë mes tonë librat e zemrës; u përlotëm me ngazëllimin e fëmijëve që për herë të parë shihnin shfaqje të kukullave; ngritëm skena mbi ura e autobusë”.
“Po lëmë një vit të jashtëzakonshëm. Bienale e artit Venecia. Opera në Park. Dhamë 1130 shfaqje. Gjirokastër restaurim kalldrëmesh, shtëpish, e ruajtje traditash. Elbasan pazari i artizanatit dhe kulinarisë. I rikthyem Vlorës qendrën historike. Teatri i Kukullave udhëtoi në të gjithë Shqipërinë. Ritëm mbi ura. Tetori i Librit. Tirana qytet librash Mantova. Rikonstruksioni i Teatrit të Operas dhe Baletit. Biletaria online. Kullat e liruara të Krujës qendra të reja turistike. Përuruam kishën e restauruar të Ristozit, në Mbrojë. Pjesa shqiptare e liqenit të Ohrit hynë në UNESCO. Një film shqiptaro rus më tekst të Ismail Kadares. Muaj i Muzikës”, shprehet ai.
Po ashtu Rama thekson se “po lëmë pas një vit të jashtëzakonshëm një tjetër i shkëlqyer na pret. Gëzuar 2020”.
https://m.facebook.com/story.php?story_fbid=10157301908281523&id=138734771522
