100 ambulanca dhe qendra shëndetësore u rehabilituan plotësisht gjatë vitit që lame pas, duke ofruar standarde bashkëkohore për stafin dhe pacientët.
Përmes një video, Kryeministri Edi Rama informoi se vetëm në qarkun e Durrësit, 6 qendra shëndetësore dhe ambulance janë transformuar rrënjësit.
Qeveria shqiptare nisi zbatimin e një programi kombëtar për rehabilitimin e 300 qendrave shëndetësore në këtë mandat të dytë të saj, në mënyre që shërbimi për qytetarët të jetë me të njëjtin standard nga veriu në jug.
“Mirëmëngjes, edhe me 6 qendra të tjera shëndetësore rindërtuar nga e para në qarkun e Durrësit”, shprehet kryeministri Edi Rama, duke iu uruar qytetarëve njëkohësisht një ditë të paqtë.
Konkretisht vitin që shkoi është bërë transformimi i ambulancave në Radë, në Gjepalaj, qendrës shëndetësore Metallë, Hardhishtë, Perlat 2 dhe qendrës shëndetësore, Krujë.
Banorët e këtyre zonave shprehen se dikur këto qendra shëndetësore dhe ambulance ofronin kushte të mjerueshme dhe godinat ishin tërësisht të shkatërruara, ndërsa sot kemi kushtet më bashkëkohore.
