Ervin Mata, një nga personat e shpallur në kërkim për vrasjen në ish-Bllok, të ndodhur 5 muaj më parë, është vetëdorëzuar në polici.
Mata është dorëzuar mbrëmjen e djeshme i shoqëruar edhe nga avokati i tij. Ervin Mata është i njohur edhe si i dashuri i këngëtares Elvana Gjata. Elvana u shfaq për herë të parë pas incidentit ditën e 17 shkurtit ,pavarësisë së Kosovës, duke mbajtur një koncert për figurat më të larta atje. Ajo që u vu re ishte mungesa e unazës së fejesës me Matën, dhe duket se çifti është ndarë.
Vrasja që tronditi opinionin publik ndodhi mbrëmjen e 4 tetorit në lokalin Metropol në një nga zonat më të frekuentuara të Tiranës, në ish-Bllok. Në këtë ngjarje mbeti i vrarë Fabiol Gaxha, ndërsa u plagos Ervis Martinaj së bashku me Elion Haton.
Ai ka deklaruar para policisë se nuk ka lidhje me vrasjen e ndodhur në tetor dhe se ai nuk ka qëlluar. “U largova se u frikësova, por nuk kam qëlluar. Mua më sulmuan”, ka thënë Ervin Mata.
