Vëllai i Admir Muratajt, Ilir Murataj është i njohur ndryshe si Can Murataj, pasi prej disa vitesh ka ndërruar emrin.
Për grabitjen e ndodhur ku u vodhën miliona euro opozita ka bërë përgjegjëse qeverinë. Por duket se vëllai i Murataj ka dhe një lidhje personale me PD.
Në rrjetet sociale ai ka postuar edhe një foto ku shfaqet selia e Partisë Demokratike. Bashkë me të ai ka postuar edhe foton e tij, ku shfaqet në një ashensor. Nga renditja e fotove duket se ai ka pozuar brenda ashensorit të selisë së Partisë Demokratike.
Nuk dihet nëse lidhja e tij me këtë parti politike është thjeshtë e një simpatizanti apo nëse Can Murataj mund të ketë ndonjë status apo lidhje më të ngushtë me Partinë Demokratike.
Ndërkohë ne nje ‘badge’ identifikimi ku shfaqen të dhënat e tij, duket se Murataj ka qene dhe vëzhgues i shoqërise civile në zgjedhjet parlamentare të vitit 2017.
