Qyteti i Bajram Currit është qendra kryesore administrive e Tropojës, ku është përqëndruar numri më i madh i popullsisë, në krahasim me komunat përreth si dhe ka një zhvillim social-ekonomik të bazuar në sektorin e shërbimeve. Ky qytet ka një sipërfaqe prej 165 ha, në të cilën jetojnë 8500 banorë.
Me financim të Qeverisë Shqiptare është në zbatim projekti, për rikonstruksionin e “Unazës e qytetit Bajram Curri, Faza II”.
Ky projekt zhvillohet në kuadër të programit “Infrastruktura Vendore Rajonale”, në zbatim nga Fondi Shqiptar i Zhvillimit.
Referuar Fondi Shqiptar të Zhvillimit, aktualisht po punohet në pjesën e Unazës, “Lagjia Partizani” për zgjerimin e trupit të rrugës, kanalizimet dhe ndërtimin e mureve mbajtës e pritës.
“Ndërhyrja është faza e dytë e ndërtimit të unazës së qytetit dhe zgjidh përfundimisht nevojën për devijimin e trafikut ndërqytetas” njofton FSHZH.
