Mëngjesin e sotëm rreth 57 milionë votues në 194.390 vendvotime kanë nisur votimin për zgjedhjet lokale në Turqi.
Në përputhje me vendimin e Këshillit të Lartë Zgjedhor (YSK), në votime do të marrin pjesë 12 parti politike. Ndërsa votuesit do të mund të votojnë vetëm në qendrat e votimit ku janë të regjistruar përveç rasteve përjashtuese.
Orët e votimit
Gjithashtu sipas vendimeve të YSK në disa qytete dhe qendrat e vuajtjes së dënimit votimet do të zhvillohen mes 07:00-16:00 dhe në disa të tjerë 08:00-17:00 me orën lokale. Edhe në këto zgjedhje janë formuar kuti votimi mobile të cilët janë përgatitur për personat e sëmurë ose për shkak të pengesave fizike.
Numërimi i votave për qytetet që votojnë nga ora 07:00-16:00 nuk do të nisë përpara orës 16:00 dhe për qytetet e tjera jo para orës 17:00. Gjatë votimeve, gratë shtatzëna, të sëmurët, personat me aftësi të kufizuara dhe të moshuarit do të mund të votojnë pa pritur në radhë. Ndërsa do të jetë i ndaluar përdorimi i celularëve në vendvotime, aparateve fotografikë dhe pajisjeve të tjera që regjistrojnë.
Ndalesat e tjera ditën e zgjedhjeve:
Nga ora 06:00 deri në orën 24:00, pa marrë parasysh rastet do të jetë e ndaluar shitja e pijeve alkoolike si dhe dhënia dhe përdorimi i tyre në hapsira publike.
Gjatë procesit të votimit kafeterit, lokalet dhe internet kafetë do të jenë të mbyllura ndërsa në restorante do të ofrohet vetëm shërbimi i ushqimit.
Dasmat po ashtu në zbatueshmëri me rregullat dhe ndalesat e përcaktuara mund të zhvillohen pas orës 18:00. Radiot dhe të gjitha llojet e mediave ditën e zgjedhjeve nuk do të japin lajme, parashikime dhe komente në lidhje me zgjedhjet deri në orën 18:00.