6 bashki në vend kanë implementuar metodologjinë e vlerësimit të riskut të integritetit, si një qasje për tu përfshirë në planet e parandalimit të korrupsionit në nivel vendor dhe në nivel qendror. E pranishme në takimin promovues të planeve, Ministrja e Drejtësisë Etilda Gjonaj tha se instrumente të tillë inovatorë priten të ndikojnë në reduktimin e rrezikut të korrupsionit dhe sjelljeve jo-etike në nivel vendor, duke forcuar demokracinë, llogaridhënien dhe duke përmirësuar transparencën e bashkive. Më tej Gjonaj tha se projekti pritet të shtrihet edhe në nivel institucionesh qendrore.
Limya Eltayeb, Përfaqësuese e Përhershme e UNDP-së në Shqipëri, e argumentoi domosdoshmërinë për promovimin e integritetit me faktin se korrupsion konsumon jo vetëm burimet financiare të institucioneve, por edhe besueshmërinë e tyre.
Tryeza mbi projektet pilot të implementuara në 6 bashki vjen në javën e integritetit, e cila po mbahet për herë të parë në Shqipëri.
