Toyota sapo investoi 349 milion dollarë në zhvillimin e taksisë fluturuese. Të dy kompanitë thonë se ata do të punojnë së bashku, Joby do të ndajë ekspertizën e saj të procesit të ngritjes dhe uljes së taksive fluturuese dhe Toyota njohuritë e saj për prodhim, cilësi dhe kontrolle të kostos për zhvillimin dhe prodhimin e avionëve të ardhshëm të Joby.
“Transporti ajror ka qenë një qëllim afatgjatë për Toyota, dhe ndërsa ne vazhdojmë punën tonë në biznesin e automobilave, kjo marrëveshje vendos pamjet tona në qiell,” tha Presidenti i Korporatës Toyota Motor dhe CEO Akio Toyoda në një deklaratë për shtyp. Si pjesë e marrëveshjes, nënkryetari ekzekutiv i Toyota Motor Corp, Shigeki Tomoyama do të bashkohet me bordin e drejtorëve të Joby.
Investimi i Toyota ishte pjesë e një raundi financimi në të cilën Joby mblodhi 590 milion dollarë. Investitorët e tjerë të përfshirë janë Intel Capital, JetBlue Technology Ventures dhe Toyota AI Ventures.
Toyota nuk është prodhuesi i vetëm që pretendon zhvillimin e taksive fluturuese. Hyundai është duke punuar në një koncept të njëjtë me Uber dhe ka punësuar një inxhinier të NASA-s për të drejtuar divizionin e tij.
Avioni i Joby quhet eVTOL dhe ka pesë vende, ka një shpejtësi maksimale 320 kilometra në orë dhe përshkruan një distancë prej 240 kilometrash me një karikim të plotë.
Sipas kompanisë, taksia fluturuese është 100 herë më e qetë se avionët konvencionale gjatë ngritjes në fluturim dhe uljes dhe “gati e heshtur” kur fluturon sipër. Detaje shtesë rreth aeroplanit prototip dhe planet e prodhimit do të njoftohen më vonë, tha Joby dhe Toyota.
SCAN
