Kryetari i PSD-së, Tom Doshi ka qenë sot në Shkodër ku ka deklaruar se PSD synon të fitojë katër mandate në të gjithë Shqipërinë. Ai deklaroi se dy mandate mund ti marrë në Shkodër, ndërsa dy të tjerët synon t’i fitojë në metropolin shqiptar, Tiranën.
Ai shtoi se PSD i ka të sigurta dy mandate në Shkodër, ndërsa bëri të ditur se partia e tij nuk do të pranojë një koalicion me PD-në.
Sa mandate synoni të merrni në Shkodër?
Tom Doshi: 2, të sigurta.
Po në të gjithë Shqipërinë?
Tom Doshi: Mendojmë edhe dy mandate në Tiranë.
A do të bënit koalicion me Ramën?
Tom Doshi: Jemi të gatshëm të bëjmë koalicion me Partinë Socialiste.
Po nëse do të kishit ftesë nga Basha?
Tom Doshi: Jo, në asnjë mënyrë.
