Ministria e Shëndetësisë njofton vdekjen e një tjetër pacienti të infektuar me koronavirus në spitalin “Shefqet Ndroqi”, duke e çuar në 31 numrin e personave që humbasin betejën me këtë virus.
Në njoftimin e Ministrisë së Shëndetësisë bëhet me dije se viktima është 71 vjeçari nga Shkodra me inicialet B.S. i cili ndodhej prej një muaji në gjendje të rëndë shëndetësore me insuficientë respiratore akute.
Ministria e Shëndetësisë dhe Mbrojtjes Sociale u shpreh ngushëllimet familjeve të të ndjerit dhe apelon qytetarët t’i respektojnë me shumë rigorozitet masat e distancimit fizik, pasi janë përcaktuese për frenimin e përhapjes së COVID-19.
