Një person ende i paidentifikuar ka ndërruar jetë ditën e sotme pasi ka rënë në kontakt me rrymën elektrike. Ngjarja ka ndodhur në vendin e quajtur “Bregu i Lumit”.
Ndërkaq, policia e Tiranës ka dhënë informacionin paraprak dhe për dy ngjarje të tjera, një aksident në Laprakë dhe në zonën e ish-doganës ku një 59-vjeçar ka rënë nga lartësia e një pallati në ndërtim. Ai ndodhet në kujdesin e mjekëve.
Tiranë/Informacione paraprake
• Me date 09.06.2020, rreth orës 14:05, në rrugën “Dritan Hoxha”, mjeti me drejtues shtetasin H.M., 49 vjeç, ka aksidentuar kembesorin P.Z., 60 vjeç, i cili u dërgua në spital, dhe ndodhet nën kujdesin e mjekëve.
• Me datë 09.06.2020, rreth orës 14:20, tek Ish-dogana, ka rënë nga lartësia e një pallati në ndërtim shtetasi R.K., 59 vjeç, i cili u dërgua menjeherë në spital dhe ndodhet nënkujdesin e mjekëve.
• Me datë 09.06.2020, rreth orës 14:45, në vendin e quajtur “Bregu i Lumit”, një shtetas ende i paidentifikuar, dyshohet se aksidentalisht ka rënë në kontakt me rrymën elektrike, ku për pasojë ka ndërruar jetë.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
