Kryeministri Edi Rama në mbledhjen e jashtëzakonshme të qeverisë tha se ka kontaktuar me qeverinë e Francë, e cila ka shprehur gatishmëri për të hapur Agjencinë Franceze të Zhvillimit në Shqipëri. Sipas tij, e gjithë vëmendja e saj do të jetë tek situata që shkaktoi tërmeti i 26 nëntorit. Shefi i qeverisë caktoi disa detyra për Ministrinë e Arsimit dhe atë të Shëndetësisë.
“Kemi kërkuar nga qeveria e Francës një ndryshim të adresimit të marrëdhënieve me Agjencinë Franceze të Zhvillimit dhe për këtë arsye duhet të miratojmë sot një marrëveshje, që Këshilli i Ministrave të shkruajë me qeverinë e Francës në mënyrë që në Shqipëri të ushtrojë punën Agjencinë Franceze të Zhvillimit. Presidenti i Francës është angazhuar për t’i dhënë një shtysë në funksion të programeve të investimeve, por tani me fokus me prioritet për situatën post-katastrofë. Kam marrë disa nga reagime të para nga letrat e dërguara në të gjithë botën. Reagime inkurajuese. Ministria e Arsimit sot duhet t’u drejtohet homologëve europianë me një informacion të përmbledhur mbi goditjet që ka lënë tërmeti në infrastrukturën shkollore dhe për një kërkesë të përulur për ndihmë. E njëjta gjë edhe për ministrinë e Shëndetësisë.Nuk kemi dëmtime serioze. E treta në nivelin e përmirësimit të të gjithë sistemit të koordinimit për të shmangur paqrtësitë. Në të gjitha kontaktet që unë kam pasur, edhe me disa nga grupet inxinierike, masat në skuadrat tona janë jashtë zakonisht pozitive”-tha Rama.
