47 milion lekë janë mbledhur deri më tani nga qeveria për banorët e prekur nga tërmetet e njëpasnjëshme në vendin tonë gjatë ditëve të fundit, të cilat morën jetën e 51 personave.
Deri më tani konkretisht 4761 donatorë kanë dhuruar 47,941,548 lekë në portalin qeveritar e-albania përmes kartave të kreditit.
Kështu vihet re një solidarizim në masë nga qytetarët, të cilët duan t’i vijnë në ndihmë personave të prekur nga tërmetet.
Ndërkohë edhe organizatat e bamirësisë janë duke mbledhur donacione për t’u ardhur në ndihmë këtyre personave dhe për rindërtimin e banesave të shkatërruara.
