Një fond prej rreth 500 milionë lekësh është vënë në dispozicion për financimin e rikonstruksionit të banesave individuale dhe njësive të banimit në ndërtesa, pra palate të dëmtuara nga tërmeti i fuqishëm i 26 nëntorit.
Fondi përkatës, sipas vendimit të qeverisë, i miratuar këtë të mërkurë do të do të shkojë për bashkinë e Kamzës dhe të Kavajës.
Më konkretisht, për Bashkinë e Kamzës shkojnë rreth 163 milionë lekë, ndërsa pjesa tjetër për atë të Kavajës.
Vendimi i miratuar sot hyn në fuqi menjëherë, ndërsa zbatohet nga ministri i Shtetit për Rindërtimin, Ministria e Financave dhe Ekonomisë dhe dy bashkitë përkatëse.
