Teksa shifrat e të infektuarve me Covid-19 vetëm rriten në vendin tonë prej më shumë se një jave, një rast i paprecedent është shënuar në Krujë.
Është mjeku Ardian Mata dhe gruaja e tij, laborante në njësinë vendore të shëndetit publik, të cilët nuk repsektuar karantinimin pasi gruaja e mjekut Mata ka rezultuar pozitive vetëm dy ditë më parë.
Sipas gazetës “Shqiptarja”, mjeku Ardian Mata së bashku me gruan e tij shkojnë në punë, duke vënë në rrezik jetën e kolegëve dhe pacientëve, por edhe vijojnë jetën e tyre normalisht duke shëtitur në qytet, konsumuar kafe, për pasojë është shndërruar kështu në një rrezik shumë të madh për përhapjen e COVID-19.
Për këtë arsye, drejtuesit e spitalit i kanë bërë një shkresë Komisariatit të qytetit që të bëjnë karantinimin e detyrueshëm të çiftit të mjekëve. Siç shihet në videon e “Report Tv”, mjeku ndodhet në ambientet e punës, teksa kontakton me dy punonjës të tjerë, pa distancë me njëri- tjetrin, madje njëri prej tyre nuk mban siç duhet maskën.
