Qeveria shqiptare publikoi planin financiar për përballimin e situatës së koronavirusit.
“Të gjithë u kapën gafil. Askush nuk dinte asgjë për këtë armik. Erdhi si një rrufe në qiell të hapur.”
Kështu e nisi deklaratën e tij për shtyp të orës 19.00, kryeministri Rama, ndërsa shtoi se është një luftë botërore, ku secili lufton më vete dhe të gjithë kanë me vete vetëm zotin.
Kryeministri Rama iu referua zonës së Bergamos teksa tha se nuk do ketë kush të na varrosë e jo më kush të na qajë, nëse nuk respektojmë masat shtrënguese.
Sipas Ramës, Shqipëria është më e dobët se SHBA, Gjermania, apo Franca, por vepruam më shpejt me masat. Territori i kësaj lufte nuk është toka, por trupi i njeriut, duke e bërë më të ashpër nëse shkelim rregullat.
“Fjalët e sheqerosura për rreziqet që na kanosen sot janë një tradhëti që nuk duhet të prisni nga unë. Shikoni çfarë po ndodh në vende shumë më të zhvilluara se ne. Shtete me fuqi u kapën të papërgatitur nga agresioni i një virusi të panjohur. U gjetën pa shtretër, pa maska deri tek numra të pamjaftueshëm mjekësh. Motra dhe vëllezër ndajeni mendjen se jemi vetëm. O luftojmë bashkë, ose biem në një humbnerë dhe s’do ketë kush të na varrosë e jo më të na qajë”, tha Rama.
“Ekonomia jonë nuk mund të zbatojë ëndrrat opozitare apo atyre që nuk dinë tablat e shumëzimit. Do të financojmë mbijetesën në luftë, të atyre nga ne që do të përfundojnë në kthetrat e armikut, atyre që nuk shkojnë në punë, atyre që pa biznesin e vogël mbijetojnë nesër.
Këta janë ata që kanë më shumë nevojë në këtë moment, të tjerët jo vetëm që nuk duhet të kërkojnë, por të hapim nëse duhet të kalojmë në planin B. Sepse të parët ata me halle reale nuk duhet t’i lëmë vetëm, të dytët të bëjnë luftën e tyre si të gjithë të tjerët dhe ekonomikisht ndryshe nga të tjerët. Unë doja që në planin A të impononim dicka nga vetja, si biznesi i madh apo kanë një pagë të lartë, por më bindën si mesazh i gabuar, ku do të dilte se shteti nuk ka para.
Nuk do të pregim asnjë pagë përvec të këshillit të ministrave dhe deputetëve që do të marrin gjysëmn e rrogës deri në fund. Presidentit haka e do që ti bëj një falenderim se po ndihmon si duhet me sa mundet.
Plani ynë ka shtatë pika;
Së pari 2.5 mld lekë për luftën në vijën e zjarrit për pajisje dhe mbështetje për personelin
10 mld lekë për garnaci sovrane për kompanitë që kanë vështirësi për pagat
6.5 mld lekë për nevojat imediate për shkresat në nevojë për biznesin, papunësinë
2 mld lekë për Mbrojtjen për operacionin humanintar
1 mld lekë për qeverinë për çdo urgjencë
Do të fshijmë përgjithmonë për kamatëvonesa për energjinë me efekt 15 mld lekë do të përfitojnë 211024 abonetet
Do të riskedlojmë tatim fitim për të gjithë biznesin nga 2-14 mln lekë”, tha Rama.
