Personat me aftësi të kufizuara janë një nga ‘target- grupet’ më të diskriminuar. Vendi në të cilin ata mund të drejtohen, Komisioneri për Mbrojtjen nga Diskriminimi, ka vendosur të bëjë përshtatjen infrastrukturore për ta..
Tenderi është shpallur në Agjencinë e Prokurimit Publik dhe ka një fond 3.1 milionë lekë, të vënë në dispozicion të realizimit.
Projekti parashikon rikonstruksionin dhe përshtatjen e ambienteve me elementet e nevojshme, brenda një afati 1 javor, nisur që nga nënshkrimi I kontratës me subjektin fitues.
Sipas specifikimeve teknike të tenderit, punimet përfshijnë makineri dhe pajisje, si ashensor platforme për personat me aftësi të kufizuara, punime hidrosanitare, punime sinjalistike për persona me aftësi të kufizuara.
Tenderi i shpallur në Agjencinë e Prokurimit Publik do të qëndrojë i hapur deri në 25 nëntor, ora 10:00, për të gjithë aplikantët e interesuar.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.
