Një person është shpallur fajtor si pasojë e përpjekjeve të tij për vjedhje ndaj yjeve të Arsenalit si Sead Kolasinac dhe Mesut Ozil.
Ashley Smith ka pranuar se ka tentuar të vjedhë disa ora nga dyshja e lartpërmendur e “Topçinjve” gjatë muajit korrik.
Në fillim të kësaj vere, dyshja ishin shënjestër e një sulmi me thikë nga një hajdut.
Incidenti është kapur nga kamerat e një lokali dhe video u bë virale teksa Kolasinac ishe duke “luftuar” me sulmuesit.
Pas kësaj përpjekje për vjedhje, Ozil dhe Kolasinac ishin përjashtuar nga skuadra e Arsenalit për shkaqe sigurie.
“Topçinjtë” rritën sigurinë rreth dyshes dhe Ozil madje punësoi një sigurim për të mbrojtur shtëpinë e tij.
Vendimi ndaj Ashley Smith do të merret më 1 nëntor.
