Adelina Tahiri para disa vitesh doli hapur për romancën e saj me avokatin Serjoza Markov, dhe u desh të përballonte të gjitha sulmet e ndjekësve të saj në rrjetet sociale. Në një intervistë për emisionin “Mirage”, këngëtarja shqiptare flet hapur jo vetëm për marrëdhënien e saj, por edhe për një nga komplekset më të mëdha që lidhet me peshën.
Fillimisht e pyetur sesi i përballoi të gjitha kritikat e ndjekësve për lidhjen me avokatin shumë më të madh në moshë se ajo, shprehet Adelina:
“Nuk është e lehtë, por një njeri i fortë i përballon të gjitha, sidomos një njeri i lutmur. Kur je e dashuruar nga këmbët te koka dhe ke përkrahje, përballon çdo gjë, bëhesh më e fortë”.
Një nga vështirësitë më të mëdha që ka kaluar këngëtarja, ishte për peshën e tepërt që fitoi nga shtatzënia:
“Humba fillimisht peshë pas lindjes së djalit, sepse i jepja gji dhe nuk haja bukë, se kur shihja veten në pasqyrë nuk më pëlqente. Por kur kuptova se e humbja peshën shpejt dhe fillova të haja u shëndosha dhe u bëra 70 kg, që pesha ime ideale është 58 kg. Kisha kompleks për peshën. Nuk ka gjë më të shpifur, nuk ekziston. Ishte për mua luftë”.
E pyetur nëse bashkëshorti i saj është xheloz, Adelina e mohoi dhe tha:
“Tani në shtator bëjmë 5 vjet bashkë dhe unë e njoh aq mirë dhe ai më njeh mua. Mua më irriton xhelozia dhe bashkëshorti nuk e ka aspak, ngaqë ka vetëbesim të madh. E di që është i zgjuar, është i suksesshëm dhe ngaqë më njeh mua, ai e di që kam gjetur qetësinë shpirtërore”
