Partizani u mund nga Luftëtari dhe u eliminua nga Kupa e Shqipërisë, ndërsa u hamendësua që Lorenc Trashi ka pasur një moment tensioni me portierin elbasanas të Luftëtarit, Shkëlzen Ruçin, çka solli dhe irrtimin e tifozërisë vendëse. Por në një postim në Instargam, Trashi hedh poshtë këta zëra dhe kërkon të sqarojë gjithçka me variantin e tij të situatës.
“Për të sqaruar çdo gjë që është shkuar, Trashi me Ruçin janë shumë miq. Kur ka mbaruar pjesa e parë, jam afruar te tifozët sepse një nga familjarët e mi ndodhej te ajo pjesë ku disa tifozë filluan të ofendonin dhe për të mos pasur përplasje, doja ti thosha që të largohet nga ajo pjesë e tribunës. Kaq është e gjitha por nga jashtë duket sikur u konfliktova me tifozët, përkundrazi i respektoj ata.” shkruhej në postimin e Trashit.
