Shërbimi i Sigurisë Diplomatike dhe ai i Ndihmës së Antiterrorizmit, dy programe të Departamentit të Shtetit në bashkëpunim me Zyrën Rajonale të Sigurimit në Ambasadën e SHBA-së, i dhuruan sot Policisë së Shtetit pajisje kompjuterike për krimin kibernetik.
Në ambientet e Drejtorisë së Përgjithshme të Policisë së Shtetit, u zhvillua sot ceremonia e dhurimit të pajisjeve kompjuterike për Drejtorinë e Antiterrorit dhe Laboratorin Kriminalistik.
Drejtori i Përgjithshëm i Policisë së Shtetit, Ardi Veliu dhe Janet Meyer, Shefe e Zyrës Rajonale të Sigurimit të Shërbimit Diplomatik në Ambasadën amerikane në Tiranë nënshkruan aktin e dhurimit të këtyre pajisjeve.
Veliu falënderoi Meyer për ndihmën, mbështetjen dhe suportin në vijimësi që Ambasada amerikane dhe Programi i Ndihmës së Antiterrorizmit ka dhënë e po i jep Policisë së Shtetit dhe ka theksuar se Policia e Shtetit është e vendosur për të bashkëpunuar ngushtësisht me partnerët strategjikë për të luftuar krimin e organizuar dhe terrorizmin.
Dhurimi i këtyre pajisjeve është në vijimësi të programit 1.3 milionë dollarë nga SHBA-ja, për trajnime dhe suport për Policinë e Shtetit.1 nga 6
