Franca ka lënë pasoja të forta jo vetëm mbi moralin e lojtarëve, por edhe në atmosferën brenda dhomave të zhveshjes e ajrin që thithet rreth saj. Një lojë nën ton, shumë gabime, pak gjëra për të shpëtuar e polemika, që nuk duket se i shërbejnë askujt në këtë moment. Mes ish-kapitenit të kombëtares Rudi Vata e Mërgim Mavrajt replikat në distancë janë bërë të forta. Kosovari ka zgjedhur të jetë ironik në përgjigje të deklaratës së shkodranit, i cili u shpreh pas ndeshjes Shqipëri-Francë, se Mavraj duhet të largohet nga Kombëtarja.
Pak fjalë, por me shumë kuptim, për të goditur drejt e aty ku synonte. Mavraj edhe në postimin e tij në “InstaStory”, ka qenë i drejtëpëdrejtë si gjithnjë, pa e humbur dozën e ironisë që e karakterizon: “Unë vetëm një Vata njoh”.
Foto nuk lë hapësirë për interpretimit se bëhet fjalë për Fatmir Vatën që ka luajtur në Bundesligë. Sulmuesi shtatshkurtër ka veshur 17 herë fanellën e Shqipërisë, pa realizuar asnjë gol me kombëtaren, por nga të gjithë mbahet mend për grintën e tij në fushë edhe kundër atyre si Oliver Kahn.
