Milot Rashica njihet si një ndër lojtarët më të mirë të përfaqsueses së Kosovës në futboll.
Ai së fundi ishte i ftuar edhe në emisionin,, “Ich bin Albaner” ku ka folur rreth shumë çështjevë si sportive ashtu edhe në jetën personale.
Ai duke folur rreth kombëtarës së Shqipërisë dhe Kosovës ka pohuar se tashmë të gjithë e njohin si kombëtare dhe jo si përfaqësuese.
“Shumë prej Kosovës nuk e kanë qejf kur thonë kombëtarja e Kosovës, ata po thonë se jemi përfaqësuese ndërsa Shqipria është kombëtare. Ne mund të themi edhe kombëtare edhe përfaqësuese, por vendet tjera na njohin si kombëtare, askush nuk thotë se do të luajmë kundër përfaqësueses së Kosovës”, u shpreh Rashica.
Dihet që Rashica ka luajtur më parë edhe për kombëtarën e Shqipërisë, dhe ai disa herë ka deklaruar se nuk është penduar që është rikthyer tek kombëtarja e Kosovës, aty ku sipas tij i rreh zemra.
