Kryeministri Edi Rama ka ashpërsuar tonet ndaj opozitës duke thënë nga sheshi ‘Nënë Tereza’ se ka duruar mjaftueshëm dhe se, nga sot, nis një ofensivë sulmi.
Nga ana tjetër Rama theksoi se as që e ka ndërmend të lëshojë mandatin qeverisës që i kanë dhënë shqiptarët.
‘Sot nis një ofensivë sulmi, i kemi parë që kanë sulmuar Parlamentin. Ajo parti sot ka humbur përfundimisht fillin. I kemi parë kur kanë sulmuar qeverinë duke shpërfaqur nëpër botë shfaqjet e turpshme, kur kanë sulmuar policinë, gjykatësit që kanë kaluar vettingun kur vettingu nxjerr nga sistemi prokurorët e gjykatësit e tyre të korruptuar. I kemi parë kur kanë sulmuar Shqipërinë në cdo kanal të huaj ku kanë patur mundësi të fusnin hundën e tyre. S’ia kemi kthyer dhëmb për dhëmbë kemi marrë frymë thellë e kemi duruar pafund, përfshi dhe kadrikazanët.
U kemi duruar baltën, vezët dhe bojën e dëshpërimit të tyre mbi fytyrat tona. Por e gjitha ka qenë e kotë, në vend të na sfidonin me ide, kanë zgjedhur të na gjuajnë me gurë. Në vend të na sfidonin duke përdorur mendjen kanë vendosur të na marrin me vete si i mbyturi që të mbyt, që ta bëjnë Shqipërinë atë vendin e zhytur e mbytur në dallgët e rrumpallës së tyre. Në vend të vinin mend pas disfatës së parë, kanë luajtur mendsh fare. Dhe ashtu të mjerë në dëshpërimin e tyre, mendojnë se duke e kthyer Shqipërinë në rrumpallë do ndërhyjnë kombëtarët që tu hapin rrugën e pushtetit në tavolinë. Ta harrojnë. Nëse ata s’e kanë për gjë ti tradhtojnë zgjedhësit e tyre, ne nuk kemi mandat për të lëshuar nga dora por vetëm kontratë dorë për dore me njerëzit e këtij vendi.
Unë kam bërë edhe gabime por kurrë nuk do ju tradhtoj ju që jeni këtu apo atyre kudo në botë që më kanë dhënë besimin për të bërë Shqipërinë që Duam. Nuk do e harroj se vetëm zyra është e imja, pushteti është i juaji.
Pushteti është i studentëve që na dhanë shuplakën e vyer në fundvitin e shkuar”, tha Rama në prezantimin e Erion Veliajt si kandidat zyrtar për bashkinë e Tiranës.
Vijon…
LEXO EDHE :
