Ambasadorja e SHBA-së në Tiranë, Yuri Kim ka bërë një deklaratë befasuese në përfundim të protestës së organizuar nga presidenti Ilir Meta. Kim shkruan se është befasuar kur ka parë në protestë flamurin amerikan.
“U befasova kur pashë flamurin amerikan në “manifestimin” e sotëm. Për të shmangur çdo konfuzion, dëshirojmë të sqarojmë se ndërsa SHBA mbështesin të drejtën e protestës paqësore, ne nuk kemi asnjë lidhje me “manifestimin” e sotëm”, shkruan ambasadorja Kim.
Për herë të parë në këto 30 vite, një ambasadore amerikane reagon e shqetësuar kur në një protestë shfaqet flamuri amerikan. Tashmë është traditë që në protestat politike ose jo, qytetarët dhe liderët politikë të mbajnë flamuj të SHBA-së, BE apo Gjermanisë.
