Këshilli i Ministrave ka miratuar kontratën me ndarje prodhimi, e ndryshuar dhe e riformuluar, për kërkimin, zhvillimin dhe prodhimin e hidrokarbureve në tokë, në Shqipëri, blloku “2-3”, ndërmjet Ministrisë së Infrastrukturës dhe Energjisë së Shqipërisë (e përfaqësuar nga Agjencia Kombëtare e Burimeve Natyrore/AKBN) dhe Shell Upstream Albania B.V.
Po ashtu, qeveria ka vendosur që Vendimi nr.754, datë 8.7.2009, i Këshillit të Ministrave, “Për miratimin e kontratës, me ndarje prodhimi, për kërkimin, zhvillimin dhe prodhimin e hidrokarbureve, në Shqipëri, në tokë, në blloqe “2–3”, ndërmjet Ministrisë së Ekonomisë, Tregtisë dhe Energjetikës, përfaqësuar nga Agjencia Kombëtare e Burimeve Natyrore (AKBN) dhe “DWM Petroleum AG”” të shfuqizohet.
Ngarkohet Ministria e Infrastrukturës dhe Energjisë për zbatimin e këtij vendimi. Vendimi pritet të publikohet i plotë në Fletoren Zyrtare.
