Mbrëmjen e sotme u zhvillua premiera e filmit ‘2 Gisht Mjaltë’, ku aktorët kryesorë janë moderatori Ermal Mamaqi dhe këngëtarja Elvana Gjata.
Teksa kanë folur përpara të ftuarëve, ata kanë ndarë plot emocion disa secrete nga filmi.
Ka qenë Elvana ajo që ka rrëfyer se në film ka pasur skena puthjesh me Ermalin dhe për të ka qenë e vështirë, pasi e ka si vëllain e saj.
‘Kam shumë vite që ëndërroj të bëj një film. Faleminderit Ermal sepse je një njeri jashtëzakonisht kreativ me një zemër shumë të madhe dhe dua shumë që të gjithë të të njohin siç unë të njoh ty. Ka qenë një eksperiencë shumë e bukur dhe ka pasur edhe disa skena që të jem e sinqertë kanë qenë shumë të bukura. Ideja që jam çift në këtë film me vëllain tim sesi nuk më hëngri ajo mortja që duhet të të puthja ty, unë nuk e di’, është shprehur Gjata. (Video e publikuar nga revistaclass)
