Dy persona janë arrestuar në lidhje me sk.andalin e publikimit të pagave pak javë më parë. Prokuroria e Tiranës ka lëshuar disa urdhër arreste, por aktualisht janë vënë në pranga vetëm 2 persona, të cilët akuzohen se kanë publikuar të dhënat personale të mbi 900 mijë qytetarëve.
Burimet thanë se nga hetimet e deritanishme, ka rezultuar se këta dy persona, kanë nxjerrë nga sistemi listat e pagave. Mbi dy personat është ngritur akuzë zyrtarisht.
Për momentin nuk ka detaje të tjera mbi identitetin e personave që policia i ka çuar pas hekurave në paraburgim. Operacioni policor është në vijim dhe burimet thanë se numri i të arrestuarve mund të rritet.
