Kryeministri Edi Rama deklaroi sot se, po punohet dhe shpejt do shpallet procedura për tunelin e Llogarasë.
Duke folur në një komunikim me medien pas mbledhjes vjetore të kabinetit qeveritar, Kryeministri theksoi se, “sa i përket energjisë dhe infrastrukturës, kemi nisur procedurën për Aeroportin e Vlorës”.
“Shumë shpejt do shpallet procedura për Parkun e madh të Fotovoltaike në zonën e Divjakës”, tha Rama.
Kryeministri Rama nënvizoi se, “shumë shpejt do shpallet procedura për rrugën e re që do ndërtohet tërësisht nga e para, Thumanë-Kashar-Rrogozhinë, pra, një segment, Thumanë-Rrogozhinë”.
Po ashtu, vijoi Rama, “po punohet dhe shpejt do shpallet procedura për tunelin e Llogarasë, që është një tjetër vepër e rëndësishme publike, pastaj një sërë veprash të tjera, Shëngjin-Velipoja, e të tjera vepra goxha të rëndësishme”. /a.g/
