Ravik Gurra, ka mbaruar fakultetin e drejtësisë në Tiranë, e më pas në vitin 1998 ka emigruar në Angli. Mësohet se atje ka punuar si përkthyes në Gjykata, ministrinë e Emigracionit dhe Polici. Edhe në Angli ai ka studiuar për avokati.
Ravik Gurra, nuk kishte shumë kohë që ishte kthyer të jetonte dhe të ushtronte profesionin e avokatit në Shqipëri. I vrarë sonte në mbrëmje në një lokal në qendër të Elbasanit, Gurra ishte baba i dy vajzave, ku njëra jeton në Londër, ndërsa tjetra në një nga vendet aziatike.
Gurra bënte një jetë midis Tiranës dhe Elbasanit.
Ai jetonte me nënën e tij ndërsa zhvendosej shpesh të vajza e tij në Angli.
Nga bisedat me miqtë e tij avokatë ata kanë shprehur të gjithë tronditjen e tyre për ngjarjen, ndërsa hedhin dyshime se vrasja është më shumë një mesazh që mund t’u jetë dërguar nga vrasësit personave të afërt me çështjen që mbulonte Gurra, se sa një implikim i tij direkt në afera.
LEXO EDHE :
