Kanë qenë të rralla rastet kur “Big Brother Vip” nuk është akuzuar për skenare dhe manipulim të votave të publikut. Çdo sondazh që është bërë online, me qindra-mijëra pjesëmarrës, në lidhje me nominimet e banorëve, ai i eliminuari nuk ka përkuar thuajse asnjëherë me rezultatin që thuhet në spektakël.
Shumë polemika janë krijuar me noniminim e fundit, Armaldo-Olta-Kristi, në lidhje me banorin që duhej të eliminohej. Ishte Kristi ai që u eiliminua e që u rikthye përsëri me një biletë kthimi në shtëpi, por publiku prej ditësh e kundërshton këtë verdikt, me arsyen se këta nuk janë votat e tyre, për të cilat kanë shpenzuar para.
Fotoja që po qarkullon në rrjet me votat e kompanisë “Vodafone”
Ish-banori i “Big Brother 2”, Elton Tozaj, ka nisur një peticion për publikimin e votave nga ana e kompanisë celulare “Vodafone”. Ditën e sotme është publikuar vetëm një pjesë e votave, por edhe pse 30 mijë vota nuk janë bërë ende publike, në foton e publikuar shihet rezultati i thellë i mesazheve për eleminimin e Olta Gixharit e cila ka patur plot 83.637 vota. Më pas vjen Armaldo me 7.628 vota dhe së fundmi Kristi me 4.828 vota për eleminim.
“Në vetëm 2 orë peticion me mbi 2 mijë firma të mbledhura në kohë rekord, arritëm të nxjerrim një pjesë të vërtetës! Mungojnë akoma dhe 30 mijë mesazhe! Do dalin dhe ato deri në fund! Shifrat flasin vetë kush duhet të kishte dalë! Vazhdojmë firmosjen! Secili nga ne duhet të rimbursohet!”– ka shkruar ish banori në postimin e tij.
Nuk dihet se sa të vërteta janë votat që janë publikuar dhe nëse janë publikuar nga vetë “Vodafone”, por nuk do të ishte aspak çudi që një kompani e tillë, e cila ka bërë shkelje të panumërta, të bëjë bashkëpunim edhe me produksionin e “BBV”.
“Iconstyle” ka kontaktuar me kompaninë dhe përgjigja që morëm është: “Vodafone mundëson ofrimin e shërbimit të klientit, nuk ka të bëjë me votat e BBV. Votat numërohen dhe verifikohen nga vetë produksioni”. Një përgjigje e paqartë, që lë gjithsesi vend për dyshime, duke njohur ‘reputacionin’ e “Vodafone”, si një kompani “lider” për shkelje dhe vjedhje.
“Iconstyle.al” ka denoncuar prej kohësh veprimtarinë e kompanisë celulare “Vodafone”, e cila përdor pa të drejtë të dhënat personale të klientëve dhe ish-klientëve të saj për qëllime marketingu. Shkeljet e kësaj kompanie janë të shumta, madje kanë vënë në rrezik edhe jetën e qytetarëve. Koncerte në kulmin e pandemsië, vjedhje e të dhënave, vjedhje e parave të qytetarëve dhe mashtrim me oferta, janë vetëm disa nga shkeljet e “Vodafone”, të cilat janë raportuar e trajtuar nga ne./icon
