Don Xhoni është një nga reperët më të rinj në tregun tonë muzikor.
Reperi nga Drenica “u zbulua” gjatë periudhës së pandemisë. Tanimë, ndonëse me pak vite karrierë, është një nga emrat më të pëlqyer.
Vlerësimin dhe përkrahjen për talentin e tij, Doni nuk e merr vetëm nga fansat, por edhe nga zyrtarë të lartë të politikës së Kosovës. Së fundmi, nën kryetari i Komunës Skënderaj, Drenicë e ka vizituar reperin në shtëpinë e tij. Me anë të një fotoje në Instastory, Don Xhoni tregon se nën kryetari ka qenë mysafiri i tij dhe e ka përgëzuar për arritjet deri më tani.
“Sot për vizitë e patëm gjeneral Sami Lushtakun. Ku më përgëzoj për suksesin e krejt arritjet e mia. Faleminderit kryetar qofshë i respektuar. Drenicë me vulë të kuqe. Deri në frymën e fundit,”-shkruan reperi krahas fotos.
Ju kujtojmë që emri i Megi Pojanit këto ditë është lakuar krah Don Xhoni. Ishte ky i fundit ai që publikoi një foto ku shihet me aktoren që e përqafon. Por, bëhet fjalë thjesht për një bashkëpunim pasi Megi do jetë protagoniste në videoklipin e ri të artistit.
