Një ngjarje e rëndë ka ndodhur pak minuta më parë në Durrës. Tre persona kanë mbetur të plagosur si pasojë e një përplasjeje me armë zjarri.
Mësohet se dy prej tyre janë në gjendje të rëndë.
Burime për albeu.com bëjnë me dije se ngjarja e rëndë ka ndodhur te Mbikalimi i Shkozetit.
Një nga makinat e përfshira në përplasje është një makinë tip Benz me targa AA 333 ZD. Automjeti Benz është ndaluar nga Policia tek Ura e Shkozetit.
Dyshohet se përplasja ka ndodhur mes dy grupeve rivale. Ndërkohë që konfirmohet se në spital ka tri persona të prekur nga plumbat.
