Pëllumb Pipero ka treguar këtë mbrëmje në emisionin “Open” situatën në Spitalin Infektiv krijuar nga koronavirusi.
Ai ka rrëfyer ngjarjen prekëse të një të moshuari me djalin e tij.
“Situata në Spitalin Infektiv është dinamike. Është pak e vështirë për tu treguar por ata persona që janë të shtrirë në infektiv janë vetëm. Kishim një rast ku një i moshuar ishte i shtrirë bashkë me djalin e tij.
I moshuari u përkeqësua dhe vendosëm ta kalonim nga reanimacioni.
Ai nuk pranonte pasi nuk donte ta linte djalin vetëm”- tha Pipero.