Bota lëkundet nga tronditjet ekonomike të pandemisë, por për pasuritë e super të pasurve në botë, është koha e lulëzimit.
Dhjetëra banka private ultra diskrete, historike të Zvicrës – depozitues të tillë si Lombard Odier, dikur huadhënës ndaj Napoleonit – kanë shikuar rritjen e pasurive të klientëve të tyre këtë vit.
Javën e kaluar UBS me bazë në Cyrih, operacionet bankare private të së cilës janë më të mëdhatë në botë, raportoi fitimet më të mira tremujore në një dekadë.
Këtë javë, nga rivali i saj Credit Suisse parashikohet një fitim i ngjashëm.
“[Klientët tanë] nuk u kapën nga paniku”, tha Sergio Ermotti, shefi ekzekutiv i UBS-së për Financial Times.
“Në vend të kësaj ata e përdorën atë për të ngritur pozicione.” Ekonomia globale pritet të kontraktojë 4.4% këtë vit – tkurrja më e mprehtë në historinë moderne – duke hedhur miliona në varfëri, sipas Fondit Monetar Ndërkombëtar.
Por, miliarderët e botës janë bërë më të pasur krahasuar me vitin 2019, sipas të dhënave të përpiluara nga UBS.
Trendi, i vërejtur nëpër rajone nga Brazili, Kina, SHBA dhe Gjermania, është tregues i mëtejshëm se pandemia mund të thellojë pabarazitë.
Koronavirus fshiu 17.5 trilionë dollarë, disa bankierë besojnë se hera e fundit që super të pasurit e patën këtë të mirë ishte në 2009, pas krizës së madhe financiare. Siç ishte rasti atëherë, kriza ka qenë sa një mundësi investimi, aq edhe një kërcënim.
Më pak se një vit më parë, analistët nëpër Wall Street u shqetësuan për vlerësimet e egra të aksioneve të teknologjisë. Pandemia ka pastruar të gjitha shqetësimet e tilla. Vlera neto e shefit ekzekutiv të Amazon Jeff Bezos u rrit me 73 miliardë dollarë (66 milion CHF) në mes të marsit dhe të shtatorit, mundësuar nga zotërimet e tij në kompani, sipas një raporti nga Instituti për Studime të Politikave në SHBA.
