Rritja e numrit të personave të infektuar me COVID-19 në Shqipëri ka sjellë rrjedhimisht shtimin e pacientëve të shtruar në Infektiv.
Një çift të moshuarish rreth 70 vjeç janë dërguar me urgjencë tek Infektivi pasditen e sotme. Të sëmurët janë pa komplikacione të rënda. Burime për News 24 thonë se para urgjencës së fundit, janë paraqitur në Infektiv edhe 13 pacientë të infektuar me Covid 19 në harkun e 24 orëve.
Ndërkohë raportohen edhe disa të shëruar që janë nxjerrë nga spitali për në banesë. Zyrtarisht, ministria e Shëndetësisë ka raportuar për 46 të shtruar në Covid 1, 8 në terapi intensive dhe 1 i intubuar.
Po sot Ministria e Shëndetsisë ka publikuar dhe humbjen e një jete në spitalin Covid 1, një grua e moshuar mbi 80 vjeç, që sipas MSH ishte asiptomatike dhe vdekja ka ardhur nga sëmundje të tjera bashkëshoqëruese.
Por thonë se gruaja në momentin e diagnostikuar me Covid-19 nuk ka patur gjendje të rënduar shëndetësore. Pas infektimit, shëndeti i saj është përkeqësuar në pak ditë me insuficencë të theksuar respiratore simptomë e Covid-19. Pas përkeqësimit të gjendjes shëndetsore pacientja përfundoi në reanimacion ku pas 3 ditësh ndërroi jetë.
