Banorët e bashkisë Shijak do të jenë të parët që do të përfitojnë paratë për rikonstruksionin e banesave të dëmtuara nga tërmeti i 26 nëntorit. Ministri i Rindërtimit Arben Ahmetaj tha se janë miratuar listat e qytetarëve ndërsa afër këtij procesi janë edhe listat e bashkive Durrës, Tiranës, Kavajë dhe Kurbinit.
Sot nisim zyrtarisht programin për zbatimin e programit të grandeve të rikonstruksionit, me Bashkinë Shijak, për dëmtime DS1, DS2, DS3, punime që mund të kryhen vetë nga qytetarët dhe të rimbursohen nga shteti. 1174 familje në banesa individuale dhe 27 banesa kolektive, përfitojnë drejtpërsëdrejti pagesat e grandeve për riparimin e dëmeve të shtëpive të tyre. Procesi vijon në bashkitë e tjera dhe në ditët në vijim do të miratohen fondet për përfituesit e rinj. Qeveria do të paguajë një për një të gjithë banorët në nevojë për riparime të dëmeve të tërmetit.”
Por ministri njoftoi se ky proces do të nis zyrtarisht ditën e premte. Ahmetaj tha se u miratua edhe marrëveshja me qeverinë turke, për ndërtimin e 500 banesave.
Referuar të dhënave në 11 bashki kanë aplikuar online 48 m mijë qytetarë, nga të cilët 25 mijë prej tyre janë klasifikuar me tre nivelet e para të dëmtimeve ku parashikohet dhënia e granteve për rikonstruksion të banesave. Ndërsa pjesa tjetër do të përfshihen në planet e rindërtimit.
