Plot 11 milionë biznese të rreme janë të regjistruar në Google Maps. “Këto mashtrues përdorin disa teknike mashtruese për të shfrytëzuar sistemet tona për qëllime të këqija,” mësohet të ketë thënë drejtori i produktit për Google Maps Ethan Russell.
Pas një hetimi të Wall Street Journal i cili zbuloi se miliona biznese që figurojnë në hartat e Google janë të rreme, gjiganti i motorit të kërkimit u përgjigj me shpejtësi duke shpjeguar sesi i lufton profilet e rreme të bizneseve.
Çdo muaj në Google Maps shtohen 200 milionë vende të reja dhe gjiganti i kërkimit pretendon se njerëzit lidhen me bizneset mese 9 miliardë herë duke realizuar 1 miliardë telefonata dhe tre miliardë kërkime për drejtime.
Problemi është sipas WJS se qindra mijëra biznese të rreme hyjnë në Google Maps çdo muaj duke rrezikuar miliona përdorues të cilët mund të përfundojnë duke u mashtruar.
Edhe pse ka aplikuar politika dhe praktika të cilat inkurajojnë njerëzit ti raportojnë këto probleme, Google thotë ndërtuar e motorit të kërkimit është e domosdoshme për të balancuar situatën.
Mashtruesit në Google Maps tarifojnë për shërbime të cilat janë pa pagesë dhe mashtrojnë konsumatorët sikur të ishin biznese reale.
Sipas të dhënave të Google, në 2018-ën ata rrëzuan mese 3 milion profile të rreme dhe 90% të profileve të rreme u hoqën përpara se një përdorues ti shihte. U çaktivizuan 150,000 llogari përdoruesish të cilët u gjetën abuzive.
“Mashtrime janë fitimprurëse për të gjithë thuajse, përfshirë edhe Google,” shprehej Wall Street Journal.
Sa i përket Google, Maps përdoret çdo muaj nga 1 miliardë përdorues. Përgjigja e gjigantëve të teknologjisë kur përballen me akuza të tilla është komoditet për ta. Në fund të fundit përdoruesit pranojnë problemet e këtyre platformave. Ndërsa hetime do të ketë dhe presion në rritje që këto platforma të përmirësojnë sigurinë dhe integritetin e asaj çfarë bëjnë, në fund pyetja e vërtetë është nëse këto kompani janë bërë aq të fuqishme saqë është e pamundur të mbahen përgjegjëse. /PCWorld Albanian
