Disa ditë më parë, kantautori Kujtim Prodani u nda nga jeta para kohe për shkak të Covid-19. Humbja e tij la shumë dhimbje tek miqtë e tij, disa prej të cilëve ishin ftuar në programin e sotëm të Rudina Magjistarit për të ndarë kutjimet me të.
Mikesha e tij, Alda Bida zbuloi se ai ishte në një marrëdhënie dashurie dhe shumë nga krijimet e tij të fundit i konsultonte me të. Ajo tha se asaj vajze i është shkulur zemra: “Mikesha e tij e zemrës ishte shok, e më pas u bë kritikja e tij më e mirë. Shumë nga ne e dimë se kush është, asaj vërtet i është shkulur zemra. Të jeni të sigurt që të gjitha kujtimet e tij, këngët e fundit, ka qenë ajo që e konsultonte, ajo ishte njeriu që në momentet e fundit shkëmbente mesazhet me miqtë, me shokët kur ai nuk fliste dot më. Ai ishte diskret sepse nuk donte që gjërat e tij t’i ndante me të tjerët dhe gjërat e tij të rëndësishme, ishin gjërat e tij. Ajo ishte një gjë e natyrshme, nuk ishe një gjë që e kërkoi apo ajo e kërkoi.”
Mirëpo Kujtim Prodani nuk ka folur asnjëherë publikisht për të dhe sa herë binte fjala, e shmangte bisedën.
“Ajo është një vajzë aq e mençur dhe kishte një dashuri aq të madhe për Kujtimin sa nuk e ndryshoi Kujtimin. Nuk luftoi për ta ndryshuar Kujtimin që t’i thoshte… Domethënë kaq shumë e deshte dhe e do saqë nuk e ndryshoi. Madje ai miku ynë Adi Karakashi nga Italia atë ditë që humbëm Kujtimin tha ia puth duart asaj vajze për këtë Kujtimin e bukur që mbeti zemër gjerë gjithmonë”, shtoi Bida./Living
