Tre të rinj, të identifikuar si Klaudio Meca, Shenasi Kondi dhe Mariglen Kondi, banues në fshatin Memaliaj dhe Salari, janë arrestuar pasi kanë mbjellur kanabis në një zonë të pyllëzuar në Tepelenë.
Arrestimi i tyre u bë pasi nga tërësia e veprimeve hetimore dhe policore, këta shtetas tentatuan kultivimin e kanabisit.
Në bashkëpunim me njëri tjetrin në vendin e quajtur Kobuz, në një zonë të fshatit Gusmar të Njësisë Administrative Kurvelesh, një një zonë të pyllëzuar, ata kishin kultivuar 92 fidanë narkotikë kanabis.
Në operacionin e koduar “Kobuz”, policia gjeti dhe sekuestroi në cilësinë e provës materiale si: një automjet që përdorej nga këta shtetas, katër aparate celular dhe sende të tjera.
Kontrolli i territorit do vijojë pandërprerë me qëllim parandalimin dhe “goditjen” e çdo tentative për kultivim të bimëve narkotike.
Materialet në ngarkim të shtetasve të mësipërm i kaluan Prokurorisë së Rrethit Gjyqësor Gjirokastër, për veprime të mëtejshme.
