Juventus drejt lojtarëve të Real Madrid Isco dhe Marcelo, thuhet se është arritur marrëveshja me mbrojtësin brazilian.
Të dy lojtarët janë kthyer në ngrohës stoli nën drejtimin e Santiago Solari-t dhe tifozët e Los Blancos kanë shfaqur pakënaqësinë e tyre.
La Stampa raporton se të dy lojtarët janë pranë largimit dhe kanë kohë që janë në radarët e drejtuesve të Juventus.
Gazeta sugjeron se mbrojtësi i majtë ka arritur marrëveshjen me Juventus për një kontratë katërvjeçare nga e cila do të fitojë 12 milionë euro në vit.
Gazzetta Dello Sport raporton këtë situatë, duke sugjeruar se dyshja pritet të largohet nga Madridi, megjithatë, ajo nuk thotë asgjë për një marrëveshje potenciale me Juventus.
