Ylli portugez u transferua te Zonja e Vjetër nga Real Madridi në verën e vitit 2018 për 100 milionë euro.Por, Unitedi në vitin 2009 e kishte shitur 34-vjeçarin te Los Blancos, derisa në klauzolën e tij shkruante se nëse nuk rikthehej në “Old trafford”, atëherë skuadra që i merr shërbimet e tij do të paguante një milion euro.
Po ashtu, në atë marrëveshje thuhej se çdo sukses i portugezit do të rriste edhe shumën, e që ajo mund të kalojë në 1.2 milion.
Ronaldo u transferua te skuadra angleze si 18-vjeçar nga Sporting Lisbona për një shumë rreth 14 milionë euro në vitin 2003, për të qëndruar aty për gjashtë sezone.
Portugezi në sezonin e kaluar me Juventusin fitojë Serie A-në dhe Superkupën e Italisë, ndërsa tani është në mesin e favoritëve për ta fituar Topin e gjashtë të Artë në karrierë.
