Ofendimet dhe kërcënimet që kanë bërë banorët VIP në shtëpinë e Big Brother janë bërë shkak që të zbresë shifra e çmimit të madh nga 100 mijë euro në 52 mijë euro.
Kjo u bë me dije ditën e sotme në një sfidë të dhënë nga produksioni i Big Brother VIP, ku ju komunikua ulja e çmimit të madh. Për të rikuperuar çmimin e madh produksioni ka organizuar një lojë ku vlera arrin 10 mijë euro nëse banorët do e fitojnë.
Nderkohe Armaldo është ndjerë i ofenduar mbrëmjen e kaluar, pas batutave të ndryshme që Luizi bënte me të. Ata debatuan ashpër në orët e vona të mbrëmjes, duke lënë pjesën tjetër të banorëve pa gjumë.
Armaldo i tha Luizit se ai ka përfituar nga konfidencat e tepërta që i ka dhënë, për këtë arsye i kërkoi atij të mos i flasë fare me gojë. Maestro shtoi se Luizi ka përfituar nga ai, vetëm për shkak të respektit që ka për Kiarën. Sipas Luizit, kjo nuk ka lidhje fare.
